حِزب ياااااارب شُلّهم

ماناش أنا شوعي , ولا نا إخوانْ
ولا مع الحوثي و حزبْ سنحانْ
همِّي الكبير ياخال شعبْ جيعانْ
ربي ابتلاه بفاسدين و حِنشانْ
مِن الجُنان خلُّوه يُصلّي عُريانْ
تحت الحِجار طريد مثل عِردانْ
ولبَّسوه من التعاسة قُمصانْ
العصرْ تخْزِينهْ و الليلْ طِنَّانْ
و الهمْ زاد أطنان فوق أطنانْ
تقاسموها مجرمين و حِيتانْ
والناس ما بينْ مطرقه وسِندانْ
الأمن راقد والفجايع الوانْ
والقوت مايِكفِيش رجبْ وشعبانْ
ليش الرئيس من الحكومة زعلانْ؟!
والشعب ليش من الرئيس طفشانْ ؟!
وهاتَ لكْ .. ضبحانْ بجحر بغرانْ
لمَّا حَكَمْ زعيمْ عِصابة الجانْ
قال البلاد حقي وعندي بُرهانْ
معي بصيرة من (ربيش كعلانْ)
عَجَنْ, عَصَدْ, ردْ البلاد دُكَّانْ
كان يشتري الذِمّه بحبه دُخَّانْ
والبيع بالكيلو بدون ميزانْ
وزاد .. أنا سوَّاق حَرِيف و فنّانْ
أسوق أنا البابور من غير سُكّان
و عشَّقْ (الريوس) وساق سكرانْ
واحنا وراه مثل القطيع عُميانْ
وحوَّل الله للزعيمْ بـ (سُلطانْ)
قلعْ أبو العداد..خبيث, شيطان
ثُرنا وبدَّلنا الزعيم بـ (جِعنانْ)
لو زرْ قليلْ يَبرُكْ شُهور فترانْ
ندعُوك ياحَنَّان ياخير منَّانْ
حوِّل لُهم من السماء بطوفانْ
أو شُلُّهم لاعِندْ جنّي خرمااااااانْ.
====================
وللأحرار فقط تحياتي .. طارق الشيباني